ودِّي أمُـوتْ اليُـوم وأعيـش باكـر

ودِّي أمُـوتْ اليُـوم وأعيـش باكـر
وأشوفْ مِنْهـو بعـد مُوتـي فقدنـي

ومِنْــــهو حَمَلْني لِيـن ذِيـكْ المقابـر
وأشْكـرْ أنـا كِـل مِـنْ كَرَمْنـي ودِفنِّـي

وبشُوفْ يرثيني أنـا كَـمْ " شاعـر " ..؟
ومِنْهو تركْنـي ومـا كِتَـب شَـي عنِّـي

شِخصٍ تعنَّـى لـي مـع إنـه مسافـر
وشِخـصٍ قِريـبٍ وآنـا مَيِّـت طعنِّـي

وشِخصٍ يمثِّـــل دمعِتَـه مـا هـو قـادر
وشِخصٍ تِطيـح دموعـه كِـلْ مـا ذكرنـي

ومِنْهو مِـنْ أهلـي ف العَـزا كـان حاضـر
ومِنْهو دعى لي فـي " صلاتـه " ورحمنـي

ومِنْهـو بنـى " بإسمـي " سبيـل ومنابـر
ومِنْهـو يفـز قــلبـه إلا مِــنْ لمحــنـي

ومِنْــهو عشانـي طُـول الأيـام ساهـر
ومِنْهـو ثـلاث أيَّـام راح وتـركنـي ..؟

ومِنْهـو يرتِّـب غرفتـي والـــدفاتـر
وإن شاف " صوره " لـي صاح وحضنِّـي

يالله عسـى مـا تغفـى كـل المشاعـر
ويالله عسـى مـا ينصِـدِم يُـوم ظـنِّـي

خايـف يـروح العُمْـر وأكُـونْ خاسـر
وإن طـار طيــري مـا يفيـد التمنِّـي

وخايـف يجينـي وقـت أكْسِـر خواطـر
إن دارت الدنـيـا وزمـانـي كسـرنـي

ومـدام هـذي الدنيـا صـارت مظاهـر
وكِـلْ مَـنْ علـى كيفـه وجَـوَّه يغنـي

الضيـق وافـي والحـزن حيـل وافــر
والجـرح أكثـر شـي شفتـه يحبـنـي

عايـش وميِّـت بيـن ماضـي وحاضـر
والصبـر مفتـاح الفـرج ضـاع منِّـي

قل وش تبـي وتتركنـي يـا حزنـي آمـر
مسكيـن فرحـي تصـدِّق إنَّ وحشنـي

" شاعـر " ولكنِّـي مانـي ب شـاعـر
ودِّي أمـوت اليـوم وأرتـاح منِّـي

ممـــا راقــ لي